Ze slědujuceju informaciju k šćitoju datow wujasnijomy, kak my, Załožba za serbski lud, Postowe naměsto 2, 02625 Budyšyn ako zagronita w zmysle Zakładnego póstajenja datowego šćita (DS-GVO), na wósobu se póšěgujuce daty pśeźěłamy, gaž na naš internetowy bok woglědajośo a naše online-słužby wužywajośo. Kśěli Was na to pokazaś, až wótpowědujucy standardoju wše pósrědnjenja datow w zwisku z našym internetowym bokom se pśewjedu pśez skoděrowany zwisk.

Wuměnjamy sebje, naše informacije k šćitoju datow pśi góźbje pśiměriś, aby stawnje wótpowědowali pšawniskim pominanjam, abo aby změny našych wugbaśow pśedstajali. Pórucyjomy Wam dla togo, informacije k šćitoju datow pšawidłownje cytaś, aby se běžnje wó šćitu tych wót nas pśeźěłanych wósobinskich datow informěrowali.

Protokolěrowanje a naźěłanje logfilow

Pśi pśistupje na naš internetowy bok se rěd techniskich datow protokolěrujo. Toś te powšykne daty a informacije se w logfilach serwera składuju. Do protokoloweje dataje se zapisuju Waša (źělnje) anonymizěrowane IP-adresa, Waš browserowy typ a browserowa wersija, wužywany źěłowy system, hostne mě trjebnego licaka, referrerowy URL ako teke datum a cas serwerowego napšašowanja. Pśeźěłanje na wósobu se póśěgujucych datow se gótujo k pśigótowanju internetowego boka ako tek za wótpóranje zmólkow a wujasnjenja znjewužywanja abo wobšudow na zakłaźe wopšawnjonego zajma pó artiklu 6 wótstawk strona 1 pismik f DS-GVO. Logfile se pó 7 dnjach lašuju.

Wužywanje cookijow

Na našom internetowem boku wužywamy cookije. Z cookijami mógu se informacije a póbitowanja na našom internetowem boku w zmysle wužywarja optiměrowaś. Cookije zmóžniju nam wužywarjow našogo internetowego boka zasej spóznaś. Zaměr zasejspóznaśa jo, wužywarjam wužywanje našogo internetowego boka wólažcyś. Pśi pśistupje na naš internetowy bok se zasajźuju na zakłaźe wopšawnjonego zajma pó artiklu 6 wótstawk strona 1 pismik f DS-GVO jano techniski trjebne session-cookije. Wopšawnjony zajm zagronitego městna wobstoj how w njewobgranicowanem techniskem funkcioněrowanju internetowego boka respektiwnje daneje login-funkcije (identifikacija aktuelnego wužywarja / cas składowanja: kóńc wužywanja).

Inkluziwne słužby

• LinkFire, Linkfire ApS – analyzowy tool muzikowego wótbywanja

Na zakłaźe Wašogo zwólenja pó artiklu 6 wótstawk 1 strona 1 pismik a DS-GVO zasajźamy analyzowe toole muzikowego wótbywanja “LinkFire”. Stakim jo móžne, jadnotliwe muzikaliske twórby wšakorakich online-platformow z jadnotliwymi zwězanjami pśedstajaś. Wušej togo wiźimy akcije wužywarjow, za tym až su na take zwězanje kliknuli. How se jadna jadnučki wó statistiske daty, kenž njamaju žeden póśěg k někakej wósobje. Pśeźěłamy te informacije, tak dłujko ako jo to za dopołnjenje górjejce pomjenjonych zaměrow notne. Njejsu daty za dopołnjenje tych zaměrow wěcej trjebne, se pšawidłownje lašuju, nic pak, gaž jo jich wobgranicowane dalejwužywanje notne (zapśimnjenje wobchowańskich casow).

Daty se zasadnje na serwerach Linkfire w Dańskej pśeźěłaju. Pósrědnjenje datow na dalšne z Linkfire ApS zwězane pśedewześa zwenka EU / EWR njedajo se pak wuzamknuś, tak až se Wašo zwólenje principielnje teke na pósrědnjenje a pśeźěłanje datow pśez dalšne koncernowe towaristwa Linkfire ApS na cełem swěśe rozpśestrěwa. Kśěli w tom zwisku wuraznje na ewentualne riziki pokazaś, na pśikład na póśěžone pśesajźenje pšawow pótrefjonych nastupajucy pšawow na šćit swójich datow.

Zaměr a wobměra pśeźěłanja datow pśez LinkFire ako teke pokazki na wužywanje swójich pšawow pótrjefjonych wuwzejśo pšosym informaciji datowego šćita LinkFire. Wušej togo maśo móžnosć dalšnemu pśeźěłanju datow z boka LinkFire zadoraś.

• YouTube, Google Ireland Limited – pśedstajenje wideowych wopśimjeśow

Na zakłaźe Wašogo zwólenja pó artiklu 6 wótstawk 1 pismik a DS-GVO zapśěgnjomy k wótpowědujucemu pśedstajenju našeje źěłabnosći naše wopśimjeśa wideoweje platformy YouTube do Google Ireland Limited (“Google”). Daty se pśeźěłaju pśedewšym na serwerach we Europejskej uniji (EU) respektiwnje Europejskego góspodaŕskego ruma (EWR). Zasadnje pak njedajo se wuzamknuś pósrědnjenje datow na dalšne z Google Ireland Limited zwězane pśedewześa zwenka EU / EWR, tak až Wašo zwólenje se wuraznje teke na pósrědnjenje a pśeźěłanje datow pśez dalšne koncernowe towaristwa Google Ireland Limited na cełem swěśe wupśestrěwa. Kśěli w tom zwisku wuraznje na ewentualne riziki pokazaś, na pśikład na póśěžone pśesajźenje pšawow pótrefjonych nastupajucy pšawow na šćit swójich datow.

Z pśedstajenim widejowych wopśimjeśow se IP-adresa wužywarja ako teke dalšne na browser se póśěgujucy informacije na Google pósrědkuju, aby se zmóžniło pśedstajenje wideowych wopśimjeśow. Pśez zapśěgnjenje wideo do rozšyrjonego modusa šćita datow se dalšne na wósobu se póśěgujuce daty njepśeźěłaju. Akle pśez nakliknjenje wideo za woglědanje se dalej segajuce informacije na google pósrědniju, aby se pśedstajenje wideowych wopśimjeśow pśewjasć mógło. Sćo-lic pśi tom ako wužywaŕ pśi YouTube pśizjawjony, pśirědujo Google toś te informacije pśecej Wašomu wósobinskemu kontoju wužywarja.

Zaměr a wopśimjeśe datowych pśeźěłanjow pśez Google ako teke Waše k tomu wótpowědujuce pšawa a móžnosći zastajenja k šćitoju Wašeje wósobinskeje sfery wuwzejśo pšosym informacijam za šćit datow Googla.

• Matomo – webanalyza

Na zakłaźe Wašogo zwólenja pó artiklu 6 wótstawk 1 strona 1 pismik a DS-GVO wužywamy za pólěpšenje našogo internetowego póbitowanja webanalyzowu słužbu Matomo.

Za pśesajźenje na šćit datow źiwajucego pśijaznego wužywanja analyze se źěła z open source software Matomo na serwerach zagronitego městna respektiwnje hostera bźez zasajźenja cookijow. Wóspjetne woglědowarje našogo internetowego boka se póznawaju z pomocu tak pomjenjonego digitalnego wótśišća palca, kótaryž se jano w anonymizěrowanej formje składujo. Mimo togo se pógibowanja wužywarjow z pomocu IP-adresow z nastajenim wužywarja pó boku browsera w anonymizěrowanej formje pśeźěłaju, tak až póznaśe identity jadnotliwych wužywarjow našogo internbetowego boku móžne njejo. Anonymizěrowanje se pśewjeźo w konkretnem paźe pśez šmarnjenje slědneju oktetowu (bytowu) IP-adresow. Te z tym składowane informacije se chowaju na periodu wót 72 mjasecow.

Dalšne informacije k funkcionalnosći słužby webanalyze Matomo dostanjośo na internetowem boce póbitowarja.

Kontaktowy formular

Na našom internetowem boku jo kontaktowy formular, kótaryž móžo se wužywaś za elektroniske nawězanje kontakta. Pśi wužywanju kontaktowego formulara pśeźěłamy k wujasnjenju Wašych nastupnosćow wót Was pódane wósobinske daty, wósebnje mě, e-mailowu adresu ako teke Wašo póžedanje. Pśeźěłanje tak pomjenjonych na wósobu se póśěgujucych datow se pśewjeźo na zakłaźe Wašogo zwólenja pó artiklu 6 wótstawk 1 strona 1 pismik a DS-GVO.

Z wót Was k dispoziciji stajonymi na wósobu se póśěgujucymi datami wobchadamy kradu dowěrliwje. Wóni słuže jadnučki k wobźěłanju Wašogo póžedanja a njedawaju se tśeśim dalej, jo-lic njejo to rowno w jadnotliwych padach k wujasnjenju Wašogo póžedanja trjebne. Waše na wósobu se póśěgujuce daty se lašuju pó wujasnjenju Wašogo póžedanja abo na zakłaźe spśeśiwjenja z Wašogo boka, jo-lic kazniski póstajone case chowanja lašowanju napśeśiwo njestoje.

Zasajźenje słužbywugbarjow za napóranje internetowego boka

Za napóranje internetowego boka a jogo wopśimjeśow wužywamy słužbywugbawarjow, kótarež na wósobu se póśěgujuce daty w nadawku Załožby za serbski lud pśeźěłaju abo dla kótarychž se pśistup na daty, póśěgujuce se na wósobu, se wuzamknuś njedajo. Ze wšymi słužbywugbawarjami mamy dogrona za wobźěłanje nadawkow pó artiklu 28 DS-GVO. To pśitrjefijo wósebnje słužbywugbawanja NetworkInvest (hosting).

Pšawa pótrjefjonych a kontakt k zagronitemu za šćit datow

Pótrjefjone mógu kuždy cas pominaś informacije wó swójich na wósobu se póśěgujucych datow ako teke w danem paźe pórěźenje abo lašowanje respektiwnje wobgranicowanje pśeźěłanja pominaś abo rozšyrjenju spśeśiwiś. Mimo togo wobstoj pšawo na pśenjasenje datow na Wašu zgóź. Mimo togo móžo se, gaž se pśeźěłanje datow pśewjeźo na zakłaźe zwólenja, toś tomu w kuždem casu za pśichod spśeśiwiś. Za wugbanje swójich pšawow stoj Wam naš zagronity za šćit datow, drježdźański institut za šćit datow pód datenschutz-stiftung[at]sorben.com (dalšne kontaktowe daty pód www.dids.de) k dispoziciji. Wušej togo maśo pó artiklu 77 DS-GVO pšawo na wobśěžkanje pla doglědowego zastojnstwa za šćit datow, gaž se góda, až se pśeźěłanje na wósobu se póśěgujucych datow pśiśiwo kazni gótujo.