Ze slědowacymi informacijemi wo škiće datow Was jako Załožba za serbski lud, Póstowe naměsto 2, 02625 Budyšin, a zamołwita w zmysle postajenja wo škiće datow (dale DS-GVO) informujemy, kotre wosobinske daty wužiwamy, hdyž na našu internetnu stronu přińdźeće a naše online-słužby wužiwaće. Skedźbnjamy Was na to, zo so wšitke daty w zwisku z našej internetnej stronu standardnje přez koděrowany zwisk sposrědkuja.

Wobchowamy sej prawo, swoje informacije wo škiće datow hdys a hdys aktualizować, zo bychu stajnje aktualnym prawniskim postajenjam wotpowědowali abo zo bychmy wo aktualizowanju našich wukonow informowali. Tohodla Wam doporučamy, zo byšće tute informacije prawidłownje čitali a z tym nastupajo škit wosobinskich datow, kotrež wužiwamy, na najnowšim stawje byli.

Protokolowanje a zestajenje logfilow

Hdyž na našu internetnu stronu přińdźeće, so rjad techniskich datow protokoluje. Tute powšitkowne daty a informacije składuja so w logfilach serwera. W protokolnej dataji dokumentuja so Waša (zdźěla) anonymizowana IP-adresa, typ kaž tež wersija Wašeho browsera, wužiwany dźěłowy system, host-mjeno ličaka, z kotrehož so přizjewiće, referrer URL kaž tež datum a čas wotwołanja serwera. Wosobinske daty wužiwamy, zo bychmy internetnu stronu k dispoziciji stajić móhli kaž tež za wotstronjenje zmylkow a wujasnjenje padow znjewužiwanja abo wobšudstwa na zakładźe woprawnjeneho zajima po art. 6 wotst. 1 str. 1 pism. f DS-GVO. Logfile so za sydom dnjow hasnu.

Wužiwanje cookiejow

Na našej internetnej stronje wužiwamy cookieje. Z jich pomocu móžemy informacije a poskitki na našej internetnej stronje w zmysle wužiwarja optiměrować. Přez cookieje móžemy wužiwarja našeje internetneje strony zaso spóznać. Zmysł toho je, zo wužiwanje našeje internetneje strony wužiwarjam wolóžamy. Při přistupje na našu internetnu stronu so na zakładźe woprawnjeneho zajima po art. 6 wotst. 1 str. 1 pism. f DS-GVO jenož technisce trěbne session-cookieje nałožuja. Woprawnjeny zajim zamołwiteho zarjadnišća wobsteji při tym w njewobmjezowanej techniskej funkcionaliće internetneje strony resp. konkretnej login-funkciji (identifikacija aktualneho wužiwarja / składuje so hač do kónca wopyta).

Zapřijate słužby

• LinkFire, Linkfire ApS – tool za analyzu distribucije hudźby

Na zakładźe Wašeho přihłosowanja po art. 6 wotst. 1 str. 1 pism. a DS-GVO wužiwamy tool „LinkFire“ za analyzu distribucije hudźby. Z tym hodźa so jednotliwe hudźbne twórby rozdźělnych online-platformow z pomocu jednotliwych zalinkowanjow pokazać. Nimo toho akcije wužiwarjow widźimy, hdyž su na tajke zalinkowanje kliknyli. Tu pak jedna so bjez wuwzaća wo statistiske daty, kotrež na žanežkuli wašnje na wosobu njepokazuja. Tute informacije wužiwamy, dołhož su za spjelnjenje horjeka mjenowanych zaměrow trěbne. Hdyž daty za to wjace trěbne njejsu, so w prawidłownym wotstawku hasnu, chiba, zo je jich dalše wužiwanje na wěsty čas trěbne (hdyž je doba składowanja předpisana).

Daty so zasadnje na serwerach Linkfire w Danskej předźěłuja. Sposrědkowanje datow dalšim z Linkfire ApS zwjazanym předewzaćam EU / Europskeho hospodarskeho ruma wšak njehodźi so wuzamknyć, tak zo Waša dowolnosć wuraznje tež za to płaći, zo smědźa dalše po swěće agěrowace koncernowe towaršnosće Linkfire ApS daty dale sposrědkować a wužiwać. Skedźbnjamy w tutym zwisku wuraznje na móžne rizika, na př. na to, zo hodźa so datoškitne prawa potrjechenych ćešo přesadźić.

Nastupajo zaměr a wobjim datow, kotrež LinkFire wužiwa, kaž tež pokiwy za wužiwanje prawow potrjecheneho hlejće prošu do informacije wo škiće datow Linkfire. Nimo toho móžeće dalšemu wužiwanju datow přez Linkfire zadźěwać.

• YouTube, Google Ireland Limited – pokazanje wobsaha widejow

Na zakładźe Wašeho přihłosowanja po art. 6 wotst. 1 pism. a DS-GVO zarjadujemy aktiwity našich wobsahow tež do widejo-platformy Youtube Google Ireland Limited („Google“), zo bychu optisce derje skutkowali. Daty wužiwaja so přewažnje na serwerach w Europskej uniji resp. Europskim hospodarskim rumje.. Zasadnje wšak so sposrědkowanje datow dalšim předewzaćam zwonka EU resp. Europskeho hospodarskeho ruma wuzamknyć njehodźi, kotrež su z Google Ireland Limited zwjazane. Waše přihłosowanje so potajkim tež wuraznje na dalesposrědkowanje kaž tež na wužiwanje datow ze stron dalšich koncernowych towaršnosćow Google Ireland Limited a Google LLC poćahuje. Skedźbnjamy w tutym zwisku wuraznje na móžne rizika, na př. na ćeše přesadźenje datoškitnych prawow potrjecheneho.

Z pokazanjom wobsahow widejow so IP-adresa wužiwarja kaž tež dalše z browserom zwisowace informacije Googlej sposrědkuja. Z tym, zo wideja rozšěrjenemu modusej škita datow podleža, so žane dalše wosobinske daty njewužiwaja. Hakle, hdyž něchtó widejo nakliknje, zo by sej je wobhladał, so Googlej dalše informacije sposrědkuja, zo by so wobsah widejow pokazać hodźał. A sće-li pola Youtube přizjewjeny wužiwar, budźe Google tute informacije Wašim konkretnym wužiwarskim kontam přirjadować.

W kotrym wobjimje a z kotrym zaměrom budźe Google Waše daty wužiwać a kotre prawa a techniske móžnosće nastajenja za škit swojeje priwatneje sfery maće, zhoniće w informaciji Googla wo škiće datow.

• Matomo – webanalyza

Na zakładźe Wašeho přihłosowanja po art. 6 wotst. 1 str. 1 pism. a DS-GVO wužiwamy za polěpšenje našeho internetneho poskitka słužbu za webanalyzu Matomo.

Zo by so škit datow při nałožowanju analyzy zaručał, běži na serwerach zamołwiteho městna resp. hostera open-source-software Matomo, při čimž so cookieje njewužiwaja. Wospjet so zalogowacych wopytowarjow našeje internetneje strony spóznawamy na t. mj. digitalnym wotćišću porsta, kotryž so jeničce w anonymizowanej formje składuje. Nimo toho so pohiby wužiwarjow z pomocu IP-adresow přez nastajenja w browseru w anonymizowanej formje předźěłaja. Identita jednotliwych wopytowarjow našeje internetneje strony so potajkim zwěsćić njehodźi. Anonymizowanje wotměwa so w konkretnym padźe tak, zo so poslednjej oktetaj (bytaj) IP-adresy šmórnjetej. Při tym składowane informacije so 72 měsacow wobchowaja.

Dalše informacije wo funkcionaliće słužby za webanalyzu Matomo dóstanjeće na internetnej stronje poskićowarja.

Kontaktny formular

Na našej internetnej stronje je kontaktny formular, kotryž móžeće za skontaktowanje po elektroniskim puću wužiwać. Z njeho wužiwamy za rjadowanje Wašeje naležnosće wosobinske daty, kotrež sće podał/a, předewšěm mjeno, mailowu adresu kaž tež naležnosć, kotruž wopisujeće. Mjenowane wosobinske daty wužiwamy na zakładźe Wašeho přizwolenja po art. 6 wotst. 1 str. 1 pism. a DS-GVO.

Z wosobinskimi datami, kotrež poskićiće, wobchadźamy dowěrliwje. Słuža jeničce wobdźěłanju Wašeje naležnosće a njesposrědkuja so nikomu dalšemu, chiba, zo je to Wašeje naležnosće dla trjeba. Waše wosobinske daty hasnjemy, po tym zo je Waša naležnosć zrjadowana abo sće-li ju cofnył/a, jeli so zakonsce předpisana doba składowanja tomu njespřećiwja.

Zasadźenje posłužbarjow za poskićenje internetneje strony

Zo bychu naša internetna strona a jeje wobsahi fungowali, wužiwamy jako Załožba za serbski lud posłužbarjow, kotřiž w našim nadawku z wosobinskimi datami dźěłaja abo njemóža přistup k wosobinskim datam wuzamknyć. Ze wšěmi posłužbarjemi smy zrěčenja za wobdźěłanje nadawkow po art. 28 DS-GVO wotzamknyli. To nastupa předewšěm posłužbu networkInvest(hosting).

Prawa potrjecheneho a kontakt k zamołwitemu za škit datow

Potrjecheni móža sej informacije nastupajo swoje wosobinske daty a ewentualnu korekturu abo hasnjenje resp. wobmjezowanje wužiwanja tutych datow kóždy čas žadać abo wužiwanju znapřećiwić. Nimo toho wobsteji na Waše dobro prawo přenjesenja datow. A jeli so daty na zakładźe přihłosowanja wužiwaja, móžeće tute přihłosowanje kóždy čas z płaćiwosću za přichod cofnyć. Za wukonjenje Wašich prawow steji Wam naš zamołwity za škit datow – Drježdźanski Institut za škit datow – pod datenschutz-stiftung[at]sorben.com k dispoziciji (dalše kontaktne daty pod www.dids.de). Nimo toho maće po art. 77 DS-GVO prawo na pohóršk w kóždym zarjadnišću za škit datow, hdyž měniće, zo so wužiwanje wosobinskich datow prawu spřećiwja.